Qozog‘istonning Nur-Sultan shahrida yunon-rum kurashi bo‘yicha jahon chempionatining ikkinchi kuni terma jamoamiz uchun muvaffaqiyatli yakunlandi. Biroz avval ikki nafar vakilimiz medal uchun kurashda ishtirok etdi.

Dastlab -72 kilogramm vazn toifasida Aram Vardanyan oltin medal uchun rossiyalik Abuzaid Mansigovga qarshi bahs olib bordi. Tajriba bobida ustun bo‘lgan Mansigov bellashuvni o‘z foydasiga hal qildi va vakilimiz kumush medal bilan taqdirlandi. Ta’kidlash joiz, bu terma jamoamizning mazkur jahon chempionatidagi dastlabki medali bo‘ldi.

Shundan so‘ng -82 kilogramm vazn toifasida Nurbek Hoshimbekov ham bronza medali uchun kurashda ishtirok etdi. Xitoylik Xaitao Sian bilan kechgan bahs 4:4 hisobida yakunlandi. So‘nggi ballni Chin o‘lkasi qo‘lga kiritgani uchun qoidaga ko‘ra g‘alaba Sianga nasib etdi.