Tailandning Pattayya shahrida o‘tkazilayotgan og‘ir atletika bo‘yicha jahon chempionatidan xushxabar davom etadi. Biroz avval ayollar o‘rtasida -55 kilogramm vazn toifasida hamyurtimiz Muattar Nabiyeva o‘z ishtirokini yakunladi.
Yurtdoshimiz dast ko‘tarish mashqi bo‘yicha 96 kilogramm toshni o‘ziga bo‘ysundira oldi. E’tiborlisi, bu natija unga yakunda bronza medalini taqdim qildi. Afsuski, siltab ko‘tarish mashqi yurtdoshimiz uchun ko‘ngildagidek yakunlanmadi va Nabiyeva bu yo‘nalishda 113 kilogramm natija qayd etdi. Ikki kurash bo‘yicha andijonlik sportchimizning qayd etgan ko‘rsatkichi 209 kilogrammga yetdi va bu oltinchi natija bo‘ldi.
Og‘ir atletika bo‘yicha JCH. Tailand.
Ayollar, -55 kg
1. Siyun Liao (Xitoy) – 227 kg (98 + 129)
2. Jansion Chjan (Xitoy) – 222 kg (99 + 123)
3. Xidilin Diaz (Filippin) – 214 kg (93 + 121) . . .
6. Muattar Nabiyeva (O‘zbekiston) – 209 kg (96 + 113)
Ta’kidlash joiz, bu og‘ir atletika bo‘yicha kattalar o‘rtasidagi jahon chempionatida qizlarimiz qo‘lga kiritgin dastlabki medal sifatida tarixda qolmoqda. Muattar Nabiyeva ushbu ishtiroki orqali Tokio Olimpiadasi uchun juda qimmatli reyting ochkolarini ham o‘z xisobiga yozib qo‘ymoqda. Ushbu jahon chempionatining bugungi kunida Adhamjon Ergashev (-67 kg) siltab ko‘tarish mashqi bo‘yicha uchinchi o‘ringa ko‘tarilgan edi.
