“Paxtakor” bosh murabbiyi Shota Arveladze Superliga-2019 chempioniga aylangach quyidagi fikrlarni bildirdi.
“Chempionlikka erishganimizdan juda xursandmiz. Bu bizga ko‘proq ishtiyoq berishi kerak. Hali kubok bahslarida g‘alaba qozonishga intilishimiz kerak. Muvaffaqiyatda klubda mehnat qilayotgan barchaning, muxlislarimizning katta hissasi bor. Ikki yil davomida katta hajmda ishlar bajarildi. Bu biz uchun boshlang‘ich nuqtaga aylanishi lozim. Hali mehnat qilishda davom etamiz. O‘zaro tushunishni yaxshi darajaga olib chiqdik”, -deydi Shota Arveladze.
Eslatib o‘tamiz, “Paxtakor” Superliganing 20-turidan o‘rin olgan “Metallurg”ga qarshi bahsda g‘alaba qozonib, muddatdan oldin chempionga aylandi.
