Angliya chempionatining 6-turidan o‘rin olgan “Chelsi” va “Liverpul” o‘rtasidagi o‘yin yakunlandi. Mazkur bahsda mehmonlar 2:1 hisobida g‘alaba qozondi.

Uchrashuv teng kurashlar ostida boshlandi. O‘yinning 15-daqiqasiga kelib, Trent Aleksandr-Arnold ajoyib zarbasi bilan hisobni ochishga erishdi. Keyinchali Aspilikueta hisobni qisqartirgan edi, biroq hakam golni inobatga olmadi.

Uchrashuvning 30-daqiqasida Firmino jarima to‘pidan so‘ng boshi bilan darvozani ishg‘ol qilib hisobni yana bittaga oshirib qo‘ydi.

Ikkinchi bo‘limni maydon egalari ancha faol boshladi. O‘yinning 70-daqiqasida Kante mersisaydliklarning uch futbolchisini aldab ajoyib zarba yo‘lladi va hisobni qisqartirdi. Uchrashuv so‘nggiga qadar hisob boshqa o‘zgarmadi.

Chelsi – Liverpul 1:2

Gollar: 0:1 – 14 Aleksander-Arnold, 0:2 – 30 Firmino, 1:2 – 71 Kante.

Chelsi – Arrisabalaga, Tomori, Emerson (Alonso, 15), Kristensen (Zuma, 42), Aspilikueta, Kante, Kovachich, Maunt, Jorjinyo, Villian, Abraxam (Batshuayi, 77).

Liverpul – Adrian, Matip, Robertson, Aleksander-Arnold, van Deyk, Xenderson (Lallana, 84), Veynaldum, Fabinyo, Mane (Milner, 71), Firmino, Salax.

Ogohlantirishlar: Tomori (20), Aleksander-Arnold (57), Fabinyo (78), Kovachich (84), Milner (86).