Toshkent shahrida o‘tkazilgan paradzyudo bo‘yicha IBSA gran-prisida 4 ta oltin, 3 ta kumush va 2 ta bronza medalni qo‘lga kiritgan O‘zbekiston terma jamoasi umumjamoa hisobida 1-o‘rinni qo‘lga kiritdi.
Xususan, erkaklar bahsida terma jamoamiz 2 tadan oltin, kumush va bronza medalga sazovor bo‘lgan bo‘lsa, ayollar o‘rtasidagi bellashuvda 2 ta oltin va 1 ta kumush medal jamg‘arildi.
Qayd etish lozim, medallar bo‘yicha reytingda O‘zbekistondan keyingi o‘rinda 2 ta oltin bilan Eron terma jamoasi o‘rin egallagan bo‘lsa, kuchli uchlikni 1 ta oltin, 3 ta kumush va 7 ta bronza medal bilan Ozarbayjon terma jamoasi yakunlab bergan.
Erkaklar
-66 kg: Uchqun Quronboyev – oltin
-81 kg: Dovurxon Karomatov – oltin
-60 kg: Sherzod Namozov – kumush
+100 kg: Shirin Sharipov – kumush
-90 kg: Jaloliddin Avazov – bronza
-100 kg: Sulaymon Alayev – bronza
Ayollar
-57 kg: Parvina Samandarova – oltin
-63 kg: Nafisa Sheripova – oltin
-70 kg: Vasila Aliboyeva – kumush