Tailandning Pattayya shahrida og‘ir atletika bo‘yicha navbatdagi jahon chempionati o‘z yakuniga yetib bormoqda. Biroz avval -109 kilogramm vazn toifasida hamyurtimiz Akbar Jo‘rayev jahon chempionatining sovrindoriga aylandi.
Jo‘rayev dast ko‘tarish mashqini 188 kilogramm bilan oltinchi o‘rinda yakunlagan bo‘lsa ham o‘zining sevimli siltab ko‘tarish yo‘nalishida ishonchli urinishlari bilan kumush medal sohibiga aylandi. 20 yoshli sportchimiz bu mashqda 229 kilogramm toshni ko‘tarishga muvaffaq bo‘ldi. Afsuski, bu natija umumiy natija bo‘yicha sovrindorlar qatoridan joy olish uchun yetarli bo‘lmadi. Jo‘rayev umumiy hisobda 417 kilogramm bilan to‘rtinchi pog‘onani egalladi.
Og‘ir atletika JCH, Tailand.
Erkaklar, -109 kg.:
1. Simon Martirasyan (Armaniston) – 429 kg (199 + 230)
2. Andrei Aramnau (Belarus) – 426 kg (198 + 228)
3. Je Yang (Xitoy) – 420 kg (197 + 223)
4. Akbar Jo‘rayev (O‘zbekiston) – 417 kg (188 + 229)
