«Manchester Yunayted» bosh murabbiyi Ole-Gunnar Sulsher APLning 7-turi doirasida bo‘lib o‘tgan «Arsenal»ga qarshi o‘yin (1:1) borasida o‘z fikrlarini bildirib o‘tdi.

«Biz o‘yinlar davomida 1:0 hisobida oldinda borayotib, necha marta ikkinchi golni ura olmadik, degan fikr keldi menga. Hali ko‘p narsa o‘rganishimiz va sidqidildan ishlashda davom etishimiz kerak. Tajribaga ega bo‘lib, to‘g‘ri qarorni qabul qilamiz.

O‘ylashimcha, ikkinchi bo‘lim boshida tez harakat qila olmadik. «Arsenal» gol urganiga qadar faol o‘ynadi.

O‘yin so‘ngida gol urishimiz kerakligini his qilgan holda futbolchilarni hujumga chorladik. O‘zim futbolchi bo‘lgan paytimda bunday holatlarga tushganman. O‘yin ishtirok etib, ko‘prog‘iga munosib ekaningni his qilasan. Bu o‘yindan xulosa chiqaramiz.

VAR tufayli inobatga olingan gol haqda nima deyishim mumkin? Bu to‘g‘ri qaror edi, ammo bizga ham penalti berilishi kerak edi» – dedi Sulsher.