Ertaga Rossiyaning Moskva shahrida karate bo‘yicha Premyer-liga toifasiga kiruvchi yirik turnir start oladi. 6 oktyabrga qadar davom etadigan ushbu musobaqada sayyoramizning eng kuchli karatechilari Tokio Olimpiadasi yo‘lida qimmatli reyting ochkolari uchun ham kurash olib boradilar.
Kecha vakillarimiz Moskva shahriga yetib borishdi. Bugun musobaqaning qur’a tashlash marosimi bo‘lib o‘tishi belgilab qo‘yilgan. Murabbiylar shtabi mazkur musobaqada ishtirok etish uchun quyidagi 6 nafar sportchini jalb etishgan:
-60 kg: Sadriddin Saymatov
-67 kg: Iqboljon Uzoqov
-75 kg: Doston Otabolayev
-50 kg: Bahriniso Babayeva
-55 kg: Sevinch Rahimova
-61 kg: Barno Mirzayeva













