Joriy yilning 4-12 oktyabr kunlari Toshkent shahrida joylashgan Xalqaro Shaxmat akademiyasi binosida shaxmat bo‘yicha “Faxriylar o‘rtasida O‘zbekiston chempionati” start oldi. Ushbu chempionat O‘zbekiston Shaxmat federasiyasi tomonidan tashkil qilinmoqda.
Mazkur chempionat Xalqaro Shaxmat akademiyasi binosida o‘tkaziladi. “Faxriylar o‘rtasida O‘zbekiston chempionati”da respublikamizning barcha hududidan 48 ishtirokchi qatnashishmoqda.
O‘zbekiston Shaxmat federasiyasi matbuot xizmatining xabariga ko‘ra, kalendar reja bo‘yicha ushbu musobaqa yoz oyida o‘tkazilishi kerak edi, ammo ko‘pgina fahriy shaxmatchilarning iltimosiga binoan turnir salqin mavsum ya’ni kuz oyiga ko‘chirildi.
Musobaqada elektron soatlardan foydalanilmoqda. 9 turdan iborat bu bahs, 12 oktyabr kuni o‘z nihoyasiga yetadi. Sovrinli 3 o‘rindan tashqari yana 10 ga yaqin shaxmatchi mukofotlanishi rejalashtirlgan.