Жорий йилнинг 4-12 октябр кунлари Тошкент шаҳрида жойлашган Халқаро Шахмат академияси биносида шахмат бўйича “Фахрийлар ўртасида Ўзбекистон чемпионати” старт олди. Ушбу чемпионат Ўзбекистон Шахмат федерацияси томонидан ташкил қилинмоқда.
Мазкур чемпионат Халқаро Шахмат академияси биносида ўтказилади. “Фахрийлар ўртасида Ўзбекистон чемпионати”да республикамизнинг барча ҳудудидан 48 иштирокчи қатнашишмоқда.
Ўзбекистон Шахмат федерацияси матбуот хизматининг хабарига кўра, календар режа бўйича ушбу мусобақа ёз ойида ўтказилиши керак эди, аммо кўпгина фаҳрий шахматчиларнинг илтимосига биноан турнир салқин мавсум яъни куз ойига кўчирилди.
Мусобақада электрон соатлардан фойдаланилмоқда. 9 турдан иборат бу баҳс, 12 октябр куни ўз ниҳоясига етади. Совринли 3 ўриндан ташқари яна 10 га яқин шахматчи мукофотланиши режалаштирлган.