2022-yilda Qatarda bo‘lib o‘tadigan jahon chempionati saralash uchrashuvi doirasida Yaman termasini qabul qilgan milliy jamoamiz yirik hisobda g‘alaba qozonganidan xabaringiz bor. Ushbu uchrashuvdagi ilk golni kiritgan Sanjar Qodirqulovni o‘yindan so‘ng suhbatga tortdik.

Sanjar debyut o‘yini haqida nima deya olasiz?

To‘g‘risi, buni so‘z bilan ifodalashning sira iloji yo‘q, barchasini o‘zingiz ko‘rdingiz. Menimcha debyut o‘yinim yomon o‘tmadi.

Ilk uchrashuvdayoq gol kiritishga muvaffaq bo‘ldingiz. Ichingizdan nimalar o‘tdi?

Judayam yoqimli hislarni tuydim. Milliy terma jamoa safida to‘p surish istalgan futbolchi uchun sharaf va men bunday imkoniyatga ega bo‘lganimdan juda mamnunman.

Singapurga qarshi uchrashuv haqida to‘xtalib o‘tsangiz?

Nasib qilsa, bugun uchib ketsak kerak. Yigitlarning kayfiyati yaxshi va mehmondagi o‘yinda ham faqat g‘alaba uchun maydonga tushamiz. Hozir biz uchun har bir ochko juda qadrli. Nasib qilsa, Singapurdan yorug‘ yuz bilan ortga qaytamiz.