Yevropa-2020 saralash bosqichi doirasida navbatdagi tur o‘yinlari bo‘lib o‘tdi.
Belarus termasi o‘z maydonida Estoniyani qabul qilib, g‘alaba qozona olmadi. Natijada har ikkala jamoa Yevropa chempionati yo‘llanmasi qo‘lga kiritish imkoniyatidan butunlay mahrum bo‘ldi.
Gollandiya o‘z uyida Shimoliy Irlandiyani qabul qilib, qiyin g‘alabani qo‘lga kiritdi. Uchrashuvning 75-daqiqasida mehmonlar hisobni ochishdi. Oradan 5 daqiqa o‘tib, Memfis Depay muvozanatni tikladi. Qo‘shib berilgan daqiqalarda esa Lyun de yong va yana o‘sha Depay raqib darvozasini ishg‘ol qilib, Gollandiyaga muhim g‘alabani taqdim etishdi.
Natijada «S» guruhida Gollandiya, Germaniya va Shimoliy Irlandiya terma jamoalari 12 ochko bilan peshqadamlikni yuzaga keltirishdi. Irlandlar bitta o‘yin ko‘p o‘tkazishgan.
Yevro-2020 saralash
"C" GURUHI
Belarus – Estoniya 0:0 (0:0, 0:0)
Belarus – Gutor, Polyakov, Martinovich, Politevich, Matveychik, Saviskiy (Baxar, 59), Mayevskiy, Dragun, Yablonskiy (Lisakovich, 83), Stasevich, Skavish (Laptev, 64).
Estoniya – Lepmets, Kallaste, Teniste, Baranov, Mets, Vasilyev, Kreyda, Oyamaa (Miller, 89), Sorga (Sappinen, 80), Zenev (Liyvak, 59), Kyayt.
Gollandiya – Shimoliy Irlandiya 3:1 (0:0, 3:1)
Gollar: 0:1 – 75 Madjennis, 1:1 – 80 Depay, 2:1 – 90+1 de Yong, 3:1 – 90+3 Depay.
Gollandiya – Sillessen, van Deyk, Blind, de Ligt, Dumfris (de Yong, 78), de Yong, de Ron (van de Bek, 66), Bergveyn, Veynaldum, Babel (Malen, 66), Depay.
Shimoliy Irlandiya – Pikok-Farrell, Ketkart, Smit, Evans, Dallas, Devis, Makneyr, Evans (Flenagan, 87), Sevill (Tompson, 83), Fergyuson, Laferti (Madjennis, 67).
| № | Jamoa | O‘ | Yu | D | M | T - N | Ochko |
|---|---|---|---|---|---|---|---|
| 1 | Germaniya | 5 | 4 | 0 | 1 | 17-6 | 12 |
| 2 | Gollandiya | 5 | 4 | 0 | 1 | 17-6 | 12 |
| 3 | Shim. Irlandiya | 6 | 4 | 0 | 2 | 8-7 | 12 |
| 4 | Belarus | 6 | 1 | 1 | 4 | 3-10 | 4 |
| 5 | Estoniya | 6 | 0 | 1 | 5 | 2-18 | 1 |
