Niderlandiya terma jamoasi himoyachisi Matteys de Ligt Yevro-2020 saralashi doirasida Shimoliy Irlandiya terma jamoasiga qarshi kechgan o‘yinda (3:1) ishtirok etdi.
Opta nashri ma’lumotiga ko‘ra, bu 20 yoshli futbolchi uchun terma jamoa safidagi 20-uchrashuv bo‘ldi. Shu tariqa, u Niderlandiya terma jamoasi tarixida bu natijaga eng barvaqt erishgan futbolchiga aylandi.
De Ligt «Ayaks» tarbiyalanuvchisi hisoblanadi, 2016 yildan 2019 yilga qadar amsterdamliklar klubi sharafini himoya qilgan futbolchi shu yil yozida 85,5 million yevro evaziga «Yuventus»ga o‘tdi. U Niderlandiya terma jamoasiga 2017 yildan chaqirilishni boshlagan.
Saralashning C guruhida Niderlandiya, Germaniya va Shimoliy Irlandiya terma jamoalari 12tadan ochko jamg‘argan holda 1-3 o‘rinlarni egallab turibdi, lekin shimoliy irlandiyaliklar bitta ko‘p o‘yin o‘tkazishgan.
