Angliyaning «Manchester Yunayted» klubi sobiq futbolchisi Kleyton Blekmor «Los-Andjeles Gelaksi» klubi hujumchisi Zlatan Ibragimovichni zudlik bilan qaytarish kerakligi haqida gapirib o‘tdi.
«Jamoaga to‘purar futbolchi yetishmayapti. Bu mavsumda faqatgina Ibragimovich jamoaga yordam bera oladi. Boshqa variant ko‘rmayapman”
«Yunayted»dan Runi, van Persi va boshqa hujumchilar ketdi.Ular jamoani tark etishganidan keyin munosib o‘rinbosar topilmadi. Zlatanni o‘ylamasdan jamoaga taklif qilish kerak.To‘g‘ri, u yugurmaydi, lekin shunga qaramasdan katta ishni bajaradi.Dunyo futbolida Zlatandek o‘yinni boshqarib turadigan futbolchilar yo‘q. Ibragimovich “MYU” safida o‘ynagan paytida klub sovrinlarni qo‘lga kiritgan edi. Yanvarda yoki imkon bo‘lganida uni ortga qaytarishga harakat qilish kerak», — Blekmorning so‘zlaridan iqtibos keltirmoqda Mirror.
