Germaniyaning "Shalke" klubi sobiq ustozi Domeniko Tedesko Moskvaning "Spartak" klubiga bosh murabbiy qilib tayinlandi.
Tedesko yangi jamoasi bilan 2 yillik shartnomani imzoladi, uning maoshi 1,5 million yevro qilib belgilandi.
Ma’lumot uchun, 34 yoshli mutaxassis Italiya va Germaniya fuqaroligiga ega. U 2017 yildan 2019 yil mart oyigacha "Shalke" klubini boshqargan edi. 2017/18 mavsumida u jamoasi bilan Germaniya chempionatida 2-o‘rinni egallagan.
Eslatib o‘tamiz, avvalroq "Spartak" qoniqarsiz natijalar tufayli belaruslik mutaxassis Oleg Kononov bilan xayrlashgan edi.