Германиянинг "Шальке" клуби собиқ устози Доменико Тедеско Москванинг "Спартак" клубига бош мураббий қилиб тайинланди.
Тедеско янги жамоаси билан 2 йиллик шартномани имзолади, унинг маоши 1,5 миллион евро қилиб белгиланди.
Маълумот учун, 34 ёшли мутахассис Италия ва Германия фуқаролигига эга. У 2017 йилдан 2019 йил март ойигача "Шальке" клубини бошқарган эди. 2017/18 мавсумида у жамоаси билан Германия чемпионатида 2-ўринни эгаллаган.
Эслатиб ўтамиз, аввалроқ "Спартак" қониқарсиз натижалар туфайли беларуслик мутахассис Олег Кононов билан хайрлашган эди.