Irqchilikka qarshi kurash tashkiloti hisoblangan Kick It Out Bolgariya terma jamoasi muxlislari yuzasidan rasmiy bayonot bilan chiqish qildi.
«Angliya terma jamoasi futbolchilariga irqiy munosabatda bo‘lgani uchun bolgariyalik muxlislardan jirkanamiz. TV-translyasiya orqali bu juda sharmandali ko‘rindi. Muxlislarning jirkanch hatti-harakatlaridan boxabar qilgani uchun Garet Sautgeyt va uning shogirdlariga minnatdorchilik bildiramiz. Bu uchrashuvni yakunlamay, bekor qilish kerak edi. UYEFA boshqalarga ibrat bo‘lishi uchun bolgariyani jazolashi kerak. Agar UYEFA mutasaddilari Bolgariyani jazolashmoqchi bo‘lsa, u holda ochkolarini bekor qilib, saralash bosqichidan chetlatish kerak», — deb yoziladi tashkilot rasmiy saytida.













