Ирқчиликка қарши кураш ташкилоти ҳисобланган Kick It Out Болгария терма жамоаси мухлислари юзасидан расмий баёнот билан чиқиш қилди.
«Англия терма жамоаси футболчиларига ирқий муносабатда бўлгани учун болгариялик мухлислардан жирканамиз. ТВ-трансляция орқали бу жуда шармандали кўринди. Мухлисларнинг жирканч ҳатти-ҳаракатларидан бохабар қилгани учун Гарет Саутгейт ва унинг шогирдларига миннатдорчилик билдирамиз. Бу учрашувни якунламай, бекор қилиш керак эди. УЕФА бошқаларга ибрат бўлиши учун болгарияни жазолаши керак. Агар УЕФА мутасаддилари Болгарияни жазолашмоқчи бўлса, у ҳолда очколарини бекор қилиб, саралаш босқичидан четлатиш керак», — деб ёзилади ташкилот расмий сайтида.