Kuni kecha poytaxtimiz Toshkentda joylashgan Xalqaro Shaxmat akademiyasi binosida O‘zbekiston Shaxmat federasiyasi, Xalqaro Shaxmat akademiyasi va “Markaziy Shaxmat klubi” hamkorligida an’anaviy “Toshkent kuzi” shaxmat turniri start oldi.
Unda mamlakatimizning turli hududlaridan 200 ga yaqin ishtirokchi qatnashmoqda. Musobaqa 9 kun davom etib, 9 turdan iborat.
Yakunda musobaqa g‘oliblari reyting ochkolari shu bilan birgalikda pul mukofotlariga ega bo‘ladilar.
Ishtirokchilar “A” va “B” guruhlariga bo‘linishgan. “B” guruhda 2006 yilda tug‘ilgan yoki 2006 yildan kichik ishtirokchilar qatnashishsa, “A” guruhda reyting ballar olish imkoniyati bor va unda yosh chegarasi belgilanmagan.
“A” guruhdagilar uchun har bir partiya yakunigacha 90 daqiqa vaqt beriladi va har bir yurishga 30 soniya qo‘shiladi. “B” guruhda esa partiya so‘nggigacha 90 daqiqa beriladi, ammo har bir yurish uchun alohida vaqt qo‘shilmaydi.
G‘oliblar 23 oktyabr kuni Xalqaro Shaxmat akademiyasi binosida taqdirlanadilar
