O‘zbekiston milliy terma jamoasi va «Rostov» klubi hujumchisi Eldor Shomurodov jamoa bosh murabbiyi Valeriya Karpin futbolchilar bilan qanday munosabatda bo‘lishini gapirib berdi.
— RPLda to‘p kiritish bo‘yicha Sizda ko‘rsatkich zo‘r. To‘purarlar poygasini kuzatib turasizmi? Kimni asosiy ta’qibchingiz deb bilasiz?
— Albatta, kuzatib boraman. Asosiy raqobatchim deb hamma qatori — Sobolevni ko‘rsataman.
— O‘zingizni RPL yulduzi bo‘laman deb his qilyapsizmi?
— Yo‘q, men aslo bunday deb o‘ylamayman.
— Futbolchilar yulduzlik kasaliga chalinmasligi uchun Valeriy Karpin nima qilyapti?
— U tez-tez hazillashib seni yulduz deb ataydi. Umuman olganda bosh murabbiyimiz biz bilan tez tez gaplashib turadi.U futbochilarga nima deyishni biladi. U futbolchilarga bosim o‘tkazmaydi va bu futbolchilar o‘zini yaxshi his qilishi uchun qo‘l keladi.
— Karpin yozda “Rostov”ni istalgan futbolchisi 50 millionyevro uchun jamoani tark etishi mumkin degandi. Siz ayni paytda o‘zingizni qanday summaga baholagan bo‘lardingiz?
— O‘zimga o‘zim baho berishni hoxlamayman. Maxsus insonlar, ekspertlar bor, ana shular bera qolsin baho va narxni.
— Sizga Xitoy klublari qiziqish bildirayotgani haqida xabarlar tarqadi. Siz bu haqda ma’lumotga egamisiz?
— Xitoy klublari taklif yuborganini «Rostov» klubi rahbariyati bilsa kerak. Men bu haqda hech narsani bilmayman.
— Xitoy klublariga 30 yoshgacha bormayman debsiz. Shu gap rostmi?
— Ha, haqiqatdan ham rost. 30 yoshgacha Xitoyga bormasligim aniq.
— Masalan Sizga Rossiyaning top klubi va Yevropaning o‘rtamiyona klubi taklif bilan chiqsa, qaysi birini taylaysiz?
— Albatta, Yevropani tanlayman.
Shomurodov RPL 12 ta uchrashuvda maydonga tushib, 10 ta gol kiritishga muvaffaq bo‘ldi.