Ўзбекистон миллий терма жамоаси ва «Ростов» клуби ҳужумчиси Элдор Шомуродов жамоа бош мураббийи Валерия Карпин футболчилар билан қандай муносабатда бўлишини гапириб берди.
— РПЛда тўп киритиш бўйича Сизда кўрсаткич зўр. Тўпурарлар пойгасини кузатиб турасизми? Кимни асосий таъқибчингиз деб биласиз?
— Албатта, кузатиб бораман. Асосий рақобатчим деб ҳамма қатори — Соболевни кўрсатаман.
— Ўзингизни РПЛ юлдузи бўламан деб ҳис қиляпсизми?
— Йўқ, мен асло бундай деб ўйламайман.
— Футболчилар юлдузлик касалига чалинмаслиги учун Валерий Карпин нима қиляпти?
— У тез-тез ҳазиллашиб сени юлдуз деб атайди. Умуман олганда бош мураббийимиз биз билан тез тез гаплашиб туради.У футбочиларга нима дейишни билади. У футболчиларга босим ўтказмайди ва бу футболчилар ўзини яхши ҳис қилиши учун қўл келади.
— Карпин ёзда “Ростов”ни исталган футболчиси 50 миллионевро учун жамоани тарк этиши мумкин деганди. Сиз айни пайтда ўзингизни қандай суммага баҳолаган бўлардингиз?
— Ўзимга ўзим баҳо беришни ҳохламайман. Махсус инсонлар, экспертлар бор, ана шулар бера қолсин баҳо ва нархни.
— Сизга Хитой клублари қизиқиш билдираётгани ҳақида хабарлар тарқади. Сиз бу ҳақда маълумотга эгамисиз?
— Хитой клублари таклиф юборганини «Ростов» клуби раҳбарияти билса керак. Мен бу ҳақда ҳеч нарсани билмайман.
— Хитой клубларига 30 ёшгача бормайман дебсиз. Шу гап ростми?
— Ҳа, ҳақиқатдан ҳам рост. 30 ёшгача Хитойга бормаслигим аниқ.
— Масалан Сизга Россиянинг топ клуби ва Европанинг ўртамиёна клуби таклиф билан чиқса, қайси бирини тайлайсиз?
— Албатта, Европани танлайман.
Шомуродов РПЛ 12 та учрашувда майдонга тушиб, 10 та гол киритишга муваффақ бўлди.