Ukraina terma jamoasi va Angliyaning “Manchester Siti” klubi yarim himoyachisi Aleksandr Zinchenkoning agenti Alan Prudnikov o‘z mijozi faoliyatini A Seriyada davom ettirishi mumkinligi haqida gapirib o‘tdi.
— Biz Gvardiolaga katta rahmat aytmoqchimiz, chunki, Sasha uning qo‘l ostida tajriba oshirdi, futbolchi bo‘lib yetishdi. Zinchenko ayni aytda faqat «Siti» haqida o‘ylamoqda, biroq, kelajakda har narsa bo‘lishi mumkin. Balki, Aleksandr Italiyaga yo‘l olar, — Prudnikovning so‘zlaridan iqtibos keltirmoqda Calcionapoli24.
22 yoshli Zinchenko «Manchester Siti» klubiga 2016 yilning yozida «Ufa» klubidan ko‘chib o‘tgandi. Joriy mavsumda yarim himoyachi APL doirasida to‘rtta uchrashuvda maydonga tushdi.