Украина терма жамоаси ва Англиянинг “Манчестер Сити” клуби ярим ҳимоячиси Александр Зинченконинг агенти Алан Прудников ўз мижози фаолиятини А Серияда давом эттириши мумкинлиги ҳақида гапириб ўтди.
— Биз Гвардиолага катта раҳмат айтмоқчимиз, чунки, Саша унинг қўл остида тажриба оширди, футболчи бўлиб етишди. Зинченко айни айтда фақат «Сити» ҳақида ўйламоқда, бироқ, келажакда ҳар нарса бўлиши мумкин. Балки, Александр Италияга йўл олар, — Прудниковнинг сўзларидан иқтибос келтирмоқда Calcionapoli24.
22 ёшли Зинченко «Манчестер Сити» клубига 2016 йилнинг ёзида «Уфа» клубидан кўчиб ўтганди. Жорий мавсумда ярим ҳимоячи АПЛ доирасида тўртта учрашувда майдонга тушди.
