Kataloniyaning “Barselona” klubi sardori Lionel Messi Krishtianu Ronaldu («Yuventus») va Zlatan Ibragimovich («Los-Andjeles Gelaksi») singari o‘zi haqida gapirishni yoqtirmasligini aytib o‘tdi.

«Krishtianu Ronaldu va ibragimovich kabi o‘z yutuqlarim haqida gapirmayotganimga kelsa, men haqimda odamlar gapirishini afzal deb bilaman. Men kimligimni, qanday yutuqlarga erishganimni va nima qila olishimni yaxshi bilaman, lekin bularni barchasini o‘zimda saqlayman. Odamlar men haqimda o‘z fikrlarini aytishi mumkin. Men o‘zim haqimda gapirishni yoqtirmayman, menga jamoam haqida gapirish yoqadi», — Messining so‘zlaridan iqtibos keltirmoqda Marca.

32 yoshli Messi «Barselona» klubi tarbiyalanuvchisi hisoblanadi. Klub tarixidagi to‘purar futbolchi sanaladi. Kataloniya klubi tarkibida 692 ta uchrashuvda maydonga tushib, 604 ta gol kiritishga muvaffaq bo‘lgan. Messi “Barselona” tarkibida besh marotaba «Oltin to‘pni», olti marotaba “Oltin butsa”ni, 10 marotaba Ispaniya chempionligini, 4 marotaba Yevropa Chempionlari Ligasi g‘olibligini qo‘lga kiritdi. Futbolchining klub bilan tuzilgan shartnomasi 2021 yilning yozida yakuniga yetadi.