Каталониянинг “Барселона” клуби сардори Лионель Месси Криштиану Роналду («Ювентус») ва Златан Ибрагимович («Лос-Анджелес Гэлакси») сингари ўзи ҳақида гапиришни ёқтирмаслигини айтиб ўтди.
«Криштиану Роналду ва ибрагимович каби ўз ютуқларим ҳақида гапирмаётганимга келса, мен ҳақимда одамлар гапиришини афзал деб биламан. Мен кимлигимни, қандай ютуқларга эришганимни ва нима қила олишимни яхши биламан, лекин буларни барчасини ўзимда сақлайман. Одамлар мен ҳақимда ўз фикрларини айтиши мумкин. Мен ўзим ҳақимда гапиришни ёқтирмайман, менга жамоам ҳақида гапириш ёқади», — Мессининг сўзларидан иқтибос келтирмоқда Marca.
32 ёшли Месси «Барселона» клуби тарбияланувчиси ҳисобланади. Клуб тарихидаги тўпурар футболчи саналади. Каталония клуби таркибида 692 та учрашувда майдонга тушиб, 604 та гол киритишга муваффақ бўлган. Месси “Барселона” таркибида беш маротаба «Олтин тўпни», олти маротаба “Олтин бутса”ни, 10 маротаба Испания чемпионлигини, 4 маротаба Европа Чемпионлари Лигаси ғолиблигини қўлга киритди. Футболчининг клуб билан тузилган шартномаси 2021 йилнинг ёзида якунига етади.
