Londonning “Arsenal” klubi bosh murabbiyi Unai Emeri jamoa yarim himoyachisi Mesut O‘zil haqidagi fikrlari bilan o‘rtoqlashdi.
Unai Emerining ta’kidlashicha, Mesut O‘zil mashg‘ulotlarda o‘zini ko‘rsatishda davom etsa, maydonga tushishga imkoniyati paydo bo‘ladi.
"So‘nggi haftada O‘zil mashg‘ulotlarda o‘zining yaxshi taraflarini ko‘rsatmoqda. Bu yaxshi. Men undan voz kechganim yo‘q. Agar u mashg‘ulotlarda samarali ishlashda davom etsa, asosiy tarkibdan joy oladi. Mening maqsadim har bir futbolchidan unumli foydalanish. O‘zil – ana shu futbolchilarning biri".
"O‘zilga bo‘lgan munosabatim kundan kunga yaxshilanmoqda", —Unai Emerining so‘zlaridan iqtibos keltirmoqda Goal.com.
