Лондоннинг “Арсенал” клуби бош мураббийи Унаи Эмери жамоа ярим ҳимоячиси Месут Ўзил ҳақидаги фикрлари билан ўртоқлашди.
Унаи Эмерининг таъкидлашича, Месут Ўзил машғулотларда ўзини кўрсатишда давом этса, майдонга тушишга имконияти пайдо бўлади.
"Сўнгги ҳафтада Ўзил машғулотларда ўзининг яхши тарафларини кўрсатмоқда. Бу яхши. Мен ундан воз кечганим йўқ. Агар у машғулотларда самарали ишлашда давом этса, асосий таркибдан жой олади. Менинг мақсадим ҳар бир футболчидан унумли фойдаланиш. Ўзил – ана шу футболчиларнинг бири".
"Ўзилга бўлган муносабатим кундан кунга яхшиланмоқда", —Унаи Эмерининг сўзларидан иқтибос келтирмоқда Goal.com.