Fransiya chempionatining 10-turiga start berildi. «PSJ» klubi «Nissa» maydoniga safar uyushtirib, yirik hisobda g‘alaba qozondi.

Birinchi bo‘lim o‘rtalariga qadar Anxel di Mariya raqib darvozasini 2 marta ishg‘ol qilib, jamoasini oldinga olib chiqdi. Ikkinchi bo‘lim o‘rtasida Ganago bitta javob to‘pi evaziga o‘yinga intrigani qaytardi.

Ammo oradan ko‘p o‘tmasdan "Nissa"ning ikki futbolchisi maydondan chetlatildi. "PSJ" esa so‘nggi daqiqalarda 2ta gol urib, hisobni yirik ko‘rinishga keltirib qo‘ydi.

Kilian Mbappe so‘nggi 2 oy ichida dastlabki golini urgan bo‘lsa, Mauro Ikardi so‘nggi 3ta o‘yindan beri o‘z hisobiga gol yozib kelmoqda. Neymar jarohatini davolash bilan band.

Fransiya chempionati, 10-tur
Nissa – PSJ 1:4 (0:2, 1:2)
Gollar: 0:1 – 15 Di Mariya, 0:2 – 21 Di Mariya, 1:2 – 67 Ganago, 1:3 – 88 Mbappe, 1:4 – 90+2 Ikardi.
Nissa – Benites, Byurne, Erey, Dante, Sarr, Le-Melu, Sipryen, Danilo (Pelmar, 71), Ganago (Tamez, 80), Dolberg (Maolida, 90), Klod-Moris.
PSJ – Navas, MenYE, Tiago Silva (Markinyos, 46), Kimpembe, Diallo, Errera, Paredes, Di Mariya, Shupo-Moting (Kurzava, 62), Ikardi, Sarabiya (Mbappe, 83).
Ogohlantirishlar: Sipryen (24), Kurzava (72), Kimpembe (86), Dante (90).
Chetlatishlar: Sipryen (74), Erey (77).