Франция чемпионатининг 10-турига старт берилди. «ПСЖ» клуби «Ницца» майдонига сафар уюштириб, йирик ҳисобда ғалаба қозонди.

Биринчи бўлим ўрталарига қадар Анхель ди Мария рақиб дарвозасини 2 марта ишғол қилиб, жамоасини олдинга олиб чиқди. Иккинчи бўлим ўртасида Ганаго битта жавоб тўпи эвазига ўйинга интригани қайтарди.

Аммо орадан кўп ўтмасдан "Ницца"нинг икки футболчиси майдондан четлатилди. "ПСЖ" эса сўнгги дақиқаларда 2та гол уриб, ҳисобни йирик кўринишга келтириб қўйди.

Килиан Мбаппе сўнгги 2 ой ичида дастлабки голини урган бўлса, Мауро Икарди сўнгги 3та ўйиндан бери ўз ҳисобига гол ёзиб келмоқда. Неймар жароҳатини даволаш билан банд.

Франция чемпионати, 10-тур
Ницца – ПСЖ 1:4 (0:2, 1:2)
Голлар: 0:1 – 15 Ди Мария, 0:2 – 21 Ди Мария, 1:2 – 67 Ганаго, 1:3 – 88 Мбаппе, 1:4 – 90+2 Икарди.
Ницца – Бенитес, Бюрне, Эрей, Данте, Сарр, Ле-Мелу, Сипрьен, Данило (Пельмар, 71), Ганаго (Тамез, 80), Дольберг (Маолида, 90), Клод-Морис.
ПСЖ – Навас, Менье, Тиаго Силва (Маркиньос, 46), Кимпембе, Диалло, Эррера, Паредес, Ди Мария, Шупо-Мотинг (Курзава, 62), Икарди, Сарабия (Мбаппе, 83).
Огоҳлантиришлар: Сипрьен (24), Курзава (72), Кимпембе (86), Данте (90).
Четлатишлар: Сипрьен (74), Эрей (77).