Ikki uchrashuvda ikkita g‘alaba qozongan «Bavariya» Yevropa Chempionlari Ligasini muvaffaqiyatli boshladi. Ushbu g‘alabalarda Ivan Perishichning hissasi katta bo‘ldi. Gresiyaning «Olimpiakos» klubiga qarshi o‘tadigan uchrashuvdan oldin Yevropa vise-chempion klub rasmiy saytiga intervyu berdi.

- Ivan, seshanba kuni «Olimpiakos»ga qarshi uchrashuv bor. Bu uchrashuvdan nimalar kutyapsan?
- Dortmunddagi davrimda men ularga qarshi safarda o‘ynaganman. Stadiondagi muhiti juda ajoyib bo‘ladi, biz dastlabki daqiqalardanoq barcha kuchimiz bilan o‘ynashimiz kerak bo‘ladi. Aks holda, g‘alaba qozonishimiz qiyin bo‘ladi.

- Sen aytyapsanki, Gresiyadagi stadionlar “qaynaydi”. Bu jamoaga qo‘shimcha kuch bag‘ishlaydimi?
- Men Gresiyada «Olimpiakos», «Panatinaikos» va PAOK klublariga qarshi bir necha marotaba o‘ynaganman. Muhit doim muhim bo‘ladi. Turkiya va Xorvatiyalarda ham katta ishtiyoq bilan ishqibozliq qilishida, bu menga yoqadi, barcha futbolchilarga ham yoqsa kerak.

- «Tottenxem»ga qarshi 7:2 hisobidagi g‘alabadan keyin Gresiyaga favorit sifatida yo‘l olyapmiz deb o‘ylaysanmi?
- Hisobimizda olti ochko bor, biz to‘g‘ri yo‘ldan ketyapmiz. Biz Pirey orollariga g‘alaba qozonish uchun ketyapmiz.

- «Borussiya» va «Inter» tarkiblarida YECHLda o‘ynagansan, biroq bir marotaba ham guruh bosqichlaridan chiqa olmagansan...
- Ha, xuddi shunday. Birinchi yili «Dortmund» bilan pley-off bosqichiga chiqish amalga oshmagan, ikkinchi yilning qishida men «Volfsburg» klubiga o‘tib ketdim. «Inter» tarkibida hamfaqat guruh bosqichlarida o‘ynadim. Men ikkita Jahon chempionatida o‘ynadim, Yevropa chempionatida o‘ynadim, lekin YECHLning pley-offiga chiqish borasida tajribam kam.

- Sening YECHLdagi dastlabki uchrashuving 2011 yilning sentyabr oyida bo‘lgandi va gol urishga erishganding. Ammo, o‘shandan beri o‘zingni ko‘rsatmayapsan. O‘zingni ko‘rsatish payti kelmadimi?
- Xuddi shunday. Umid qilamanki, «Bavariya» tarkibida statistikalarimni to‘g‘rilab olaman.