Икки учрашувда иккита ғалаба қозонган «Бавария» Европа Чемпионлари Лигасини муваффақиятли бошлади. Ушбу ғалабаларда Иван Перишичнинг ҳиссаси катта бўлди. Грециянинг «Олимпиакос» клубига қарши ўтадиган учрашувдан олдин Европа вице-чемпион клуб расмий сайтига интервью берди.
- Иван, сешанба куни «Олимпиакос»га қарши учрашув бор. Бу учрашувдан нималар кутяпсан?
- Дортмунддаги давримда мен уларга қарши сафарда ўйнаганман. Стадиондаги муҳити жуда ажойиб бўлади, биз дастлабки дақиқаларданоқ барча кучимиз билан ўйнашимиз керак бўлади. Акс ҳолда, ғалаба қозонишимиз қийин бўлади.
- Сен айтяпсанки, Грециядаги стадионлар “қайнайди”. Бу жамоага қўшимча куч бағишлайдими?
- Мен Грецияда «Олимпиакос», «Панатинаикос» ва ПАОК клубларига қарши бир неча маротаба ўйнаганман. Муҳит доим муҳим бўлади. Туркия ва Хорватияларда ҳам катта иштиёқ билан ишқибозлиқ қилишида, бу менга ёқади, барча футболчиларга ҳам ёқса керак.
- «Тоттенхэм»га қарши 7:2 ҳисобидаги ғалабадан кейин Грецияга фаворит сифатида йўл оляпмиз деб ўйлайсанми?
- Ҳисобимизда олти очко бор, биз тўғри йўлдан кетяпмиз. Биз Пирей оролларига ғалаба қозониш учун кетяпмиз.
- «Боруссия» ва «Интер» таркибларида ЕЧЛда ўйнагансан, бироқ бир маротаба ҳам гуруҳ босқичларидан чиқа олмагансан...
- Ҳа, худди шундай. Биринчи йили «Дортмунд» билан плей-офф босқичига чиқиш амалга ошмаган, иккинчи йилнинг қишида мен «Вольфсбург» клубига ўтиб кетдим. «Интер» таркибида ҳамфақат гуруҳ босқичларида ўйнадим. Мен иккита Жаҳон чемпионатида ўйнадим, Европа чемпионатида ўйнадим, лекин ЕЧЛнинг плей-оффига чиқиш борасида тажрибам кам.
- Сенинг ЕЧЛдаги дастлабки учрашувинг 2011 йилнинг сентябрь ойида бўлганди ва гол уришга эришгандинг. Аммо, ўшандан бери ўзингни кўрсатмаяпсан. Ўзингни кўрсатиш пайти келмадими?
- Худди шундай. Умид қиламанки, «Бавария» таркибида статистикаларимни тўғрилаб оламан.