23-25 oktyabr kunlari Eronning Urmiya shahrida futzal bo‘yicha Osiyo chempionati-2020ning saralash bahslari bo‘lib o‘tadi.

Qur’a natijalariga ko‘ra, O‘zbekiston milliy terma jamoasi Markaziy va Janubiy mintaqaning “A” guruhidan o‘rin olgan va terma jamoamizga guruhda Tojikiston, Nepal va Afg‘oniston terma jamoalari raqiblik qiladi.

Saralash bahslariga hozirlik jarayonini yakunlagan O‘zbekiston milliy terma jamoasi kecha tong saharda Urmiya shahriga yetib keldi va “ANA Hotel” mehmonxonasiga joylashdi. Kunning ikkinchi yarmida esa ilk mashg‘ulot o‘tkazildi.

Bugun saralash bahslari oldidan jamoalar rasmiylari uchun yig‘ilish hamda terma jamoalar bosh murabbiylari ishtirokida musobaqa oldidan matbuot anjumani tashkil etiladi.

Ta’kidlash joiz, O‘zbekiston milliy terma jamoasi ilk uchrashuvini ertaga, 23 oktyabr kuni Afg‘onistonga qarshi o‘tkazadi. Mazkur uchrashuv mahalliy vaqt bilan soat 15:30da, Toshkent vaqti bilan esa 17:00da start oladi.