"Chelsi" bosh murabbiyi Frenk Lempard Yevropa chempionlar ligasining 3-turi doirasida bo‘ladigan "Ayaks"ga qarshi o‘yin oldidan o‘z fikrlarini bilan o‘rtoqlashdi.

"Uchrashuv oson bo‘lmasligini tushunib turibmiz. Raqibimiz qanday o‘ynashini bilamiz. Ular guruhning har ikkala o‘yinida ishonchli g‘alabani qo‘lga kiritishdi. Shu bois, oson bo‘lmaydi.

Biz qo‘lga kiritgan ketma-ket 5ta g‘alaba nimanidir anglatadi, deb o‘ylamayman, lekin bu bizga ishonch bag‘ishlaydi. Raqibimizning saviyasi boshqacha. Biz tayyor bo‘lishimiz kerak.

Men va jamoam "Ayaks"ni hurmat qilamiz. Shu bilan birgalikda o‘zimizga ishonamiz", — dedi Lempard.

Eslatib o‘tamiz, "Ayaks" - "Chelsi" bahsi bugun Toshkent vaqti bilan 21:55da start oladi.