Londonning "Chelsi" klubi bosh murabbiyi Frenk Lempard YECHL doirasida "Ayaks" ustidan qozonilgan g‘alabadan xursand ekanligini aytib o‘tdi.
"Juda xursandman. Bu yerda g‘alaba qozonish uchun maydonning har bir qarich joyida chiroyli o‘yin namoyish etish kerak, biz buni uddaladik.Raqibimiz juda ham kuchli edi.
Bachuayining zahiradan maydonga tushishi oldindan o‘ylangan rejamiz edi, chunki, u tezkor, o‘yin tempini oshirib yuborishini ko‘zlagandik.U imkoniyat bo‘lishini kutdi va foydalandi.
Juda qiyinchiliklarga duch keldik, ayniqsa to‘psiz o‘ynashda qiynaldik. Bu men uchun hozircha eng yoqimli g‘alaba bo‘lib qoladi. Biroq, biz "Bernli" klubiga qarshi bo‘ladigan o‘yin haqida o‘ylashni boshladik.
"Ayaks" klubini hurmat qilamiz. O‘zimizning o‘yinimiz haqida gapiradigan bo‘lsam, futbolchilardagi shijoat meni xursand qildi. O‘ylaymanki, biz to‘g‘ri yo‘ldan ketyapmiz. Bu haqda ko‘pchilik shu fikrda. Ketma-ket beshta g‘alaba bu ajoyib, oltita esa - super. Qolaversa, men bu yerda endi ish boshladim. Jamoada yetarlicha mahorat borligini bilaman. Men ularga bo‘lgan ishonchni yo‘qotmadi", - Lempardning so‘zlaridan iqtibos keltirmoqda UYEFA rasmiy sayti.













