“Zalsburg” YECHL 3-turi doirasida o‘z uyida “Napoli”ga 2:3 hisobida yutqazib qo‘ydi.
Mezbonlar tarkibida ikkita golga ham 19 yoshli Erling Holand mualliflik qildi. Holand YECHLdagi dastlabi 3 ta o‘yinida 6 ta gol urishga erishdi. U musobaqaning 1-turida “Liverpul” (3:4) darvozasini 1 marta ishg‘ol qilgan bo‘lsa, “Genk” (6:2) bilan o‘yinda het-trikka erishgandi.
Gracenote Live xabariga ko‘ra, bu orqali Holand 2003/04-yilgi mavsum Dide Drogba “Marsel” safida qayd etgan rekordni yangiladi. Drogba musobaqa doirasidagi dastlabki 3 ta o‘yinida 5 ta gol urgandi.
Ma’lumot uchun, Holand joriy mavsum klubi safida 14 ta o‘yinda 20 ta gol urdi.
