Xabaringiz bor, ertaga O‘zbekiston Kubogi final uchrashuvi bo‘lib o‘tadi. Unda Mirjalol Qosimov boshchiligidagi AGMK “Paxtakor”ga qarshi maydonga tushadi. Bugun o‘yin oldi o‘tkazilgan matbuot anjumanida AGMK ustozi Mirjalol Qosimov va futbolchilar ishtirok etib savollarga javob berib o‘tdi.

Mirjalol Qosimov: Assalomu alaykum qadrli futbol muxlislari va jurnalistlar ko‘rishib turganimizdan xursandmiz. O‘yinga keladigan bo‘lsak, biz uchun ham raqib uchun ham muhim o‘yin. Qiziqarli o‘yin bo‘ladi degan umitdaman. Sababi Kubok bitta o‘yindan iborat har ikki jamoa ham g‘alaba uchun o‘ynaydi. Muxlislarimiz uchun ham g‘alaba qozonishga harakat qilamiz.

Vladislav Kasminin: Ertaga qiziqarli o‘yin bo‘ladi. Raqib ancha jiddiy. G‘alaba uchun qo‘ldan kelgancha harakat qilamiz.

Grigalashvili: Ertaga bizni qiyin o‘yin kutyapti. Umid qilamiz barchasi o‘xshaydi.
Akmal Shorahmedov: Ertaga qiziqarli o‘yin bo‘ladi. Sababi o‘tgan yili “Paxtakor” yutqazgan. Kuchli jamoa g‘alaba qozonadi.

Shahzod Nurmatov: Yutishimizga ishonamiz. Buning uchun barchasiga tayyormiz.

Mirjalol Qosimov: Raqib ancha kuchli ochiq o‘yin namoyish qilish yaxshilikka olib kelmaydi. Bu o‘yinga Xavini taklif qilgandik, afsus o‘xshamadi (kuladi). Umid qilamiz, kubok o‘zimizda qoladi.

Kuboklarning ko‘rinishi ajoyib. Har bir musobaqa biz uchun juda muhim. Har bir sohada qiyinchilik bor. Bu darajaga osonlikcha chiqqanimiz yo‘q.