Хабарингиз бор, эртага Ўзбекистон Кубоги финал учрашуви бўлиб ўтади. Унда Миржалол Қосимов бошчилигидаги АГМК “Пахтакор”га қарши майдонга тушади. Бугун ўйин олди ўтказилган матбуот анжуманида АГМК устози Миржалол Қосимов ва футболчилар иштирок этиб саволларга жавоб бериб ўтди.

Миржалол Қосимов: Ассалому алайкум қадрли футбол мухлислари ва журналистлар кўришиб турганимиздан хурсандмиз. Ўйинга келадиган бўлсак, биз учун ҳам рақиб учун ҳам муҳим ўйин. Қизиқарли ўйин бўлади деган умитдаман. Сабаби Кубок битта ўйиндан иборат ҳар икки жамоа ҳам ғалаба учун ўйнайди. Мухлисларимиз учун ҳам ғалаба қозонишга ҳаракат қиламиз.

Владислав Касминин: Эртага қизиқарли ўйин бўлади. Рақиб анча жиддий. Ғалаба учун қўлдан келганча ҳаракат қиламиз.

Григалашвили: Эртага бизни қийин ўйин кутяпти. Умид қиламиз барчаси ўхшайди.
Акмал Шораҳмедов: Эртага қизиқарли ўйин бўлади. Сабаби ўтган йили “Пахтакор” ютқазган. Кучли жамоа ғалаба қозонади.

Шаҳзод Нурматов: Ютишимизга ишонамиз. Бунинг учун барчасига тайёрмиз.

Миржалол Қосимов: Рақиб анча кучли очиқ ўйин намойиш қилиш яхшиликка олиб келмайди. Бу ўйинга Хавини таклиф қилгандик, афсус ўхшамади (кулади). Умид қиламиз, кубок ўзимизда қолади.

Кубокларнинг кўриниши ажойиб. Ҳар бир мусобақа биз учун жуда муҳим. Ҳар бир соҳада қийинчилик бор. Бу даражага осонликча чиққанимиз йўқ.