Angliya chempionatining 10-turi doirasida «Lester» safarda «Sautgempton» mehmoni bo‘lib, 9:0 hisobda g‘alaba qozondi.
Mazkur o‘yinda "tulki"lar hujumchisi Jeymi Vardi va yarim himoyachi Ayose Peres uchtadan gol urishdi. Shu tariqa, «Lester» APL tarixida bitta o‘yinda 2ta xet-trik qayd etgan ikkinchi jamoa bo‘ldi.
2003 yilda «Arsenal» futbolchilari Jermeyn Pennant va Rober Pires «Sautgempton»ga qarshi uchrashuvda xet-trikni rasmiylashtirishgan edi.