O‘zbekiston futbol assosiasiyasi birinchi vise-prezidenti Ravshan Ermatov va bir qancha mas’ul mutaxassislar respublikamizning ko‘plab hududlarida futbol bo‘yicha vaziyatni ichidan o‘rganish maqsadida safarda bo‘lib turishibdi.

Yurtimiz futbolida o‘ziga xos o‘ringa ega bo‘lgan Qashqadaryo va Samarqand viloyatlari iste’dodli futbolchilar yetishtirishda katta potensialga ega. Bu potensialni ochish uchun esa bu hududlarda bolalar va o‘smirlar futboliga e’tiborni yanada kuchaytirish kerak. Aynan shu maqsadda O‘FA mutaxassislari BO‘SM va BO‘FM faoliyatlarini chuqur o‘rganib chiqishyapti. Yangi maktab va akademiyalar ochish imkoniyatlari qidirilmoqda. Futbolimiz kelajagi uchun zarur chora-tadbirlar rejasi tuzib chiqilyapti.