Londonning «Arsenal» klubi bosh murabbiyi Unai Emeri jamoa sardori Granit Jakaning «Kristal Pelas» klubiga qarshi uchrashuvda muxlislarga nisbatan bildirgan e’tirozi haqida gapirib o‘tdi.
Eslatib o‘tamiz, 10-tur doirasida Jaka maydonni tark etayotgan paytda muxlislar hushtakbozlik qilingandi, muxlislarning bu e’tiroziga Jaka nojo‘ya harakatlar bilan javob qaytardi.
«Jaka noto‘g‘ri ish qildi. Biz bu vaziyatni klub ichida muhokama qilamiz. Bosimni ko‘tarish uchun har bir futbolchi bilan alohida ish olib boramiz. Mening faoliyatimda bunday vaziyat sodir etilgan. Muxlislar bizga nisbatan hushtakbozlik qilayotgan pallada biz xotirjamlikni saqlashimiz kerak. Biz muxlislarni xursand etish uchun ishlaymiz», - dedi Emeri Mirror bilan suhbatda.
