AGMKga qarshi o‘yindan keyin "Lokomotiv" bosh murabbiyi Samvel Babayan o‘z fikrlarini bildirib o‘tdi.

“O‘yin qiziqarli o‘tdi deb o‘ylayman. Uchrashuvning yakuniy hisobidan hech kim xafa bo‘lmadi. Ayniqsa, muxlislar o‘yinni ko‘rib zavq olishdi. Uchrashuv davomida biz vertikal o‘yin namoyish qildik, raqiblarning har bir hujumiga hujum bilan javob berdik. Shuningdek, biroz tashabbus ham biz tomonda bo‘ldi. Yutib turgan paytimiz bir necha vaziyatlardan foydalana olmadik. O‘sha paytda o‘yinga nuqta qo‘yishimiz ham mumkin edi. Afsuski, g‘alabani qo‘ldan chiqardik. 1:1 hisobi biz uchun navbatchi hisob bo‘lib turibdi. O‘z navbatida, yigitlarga ham tashakkur aytaman. AGMK finalda yutqazganidan keyin bizga qarshi yuqori kayfiyatda maydonga tushishini, bor alamini bizdan olishini kutgandik. O‘yin bobida oldinga yana bir qadam tashlanganini ko‘ryapman. O‘yin sifati va hujumni tashkillashtirish borasida o‘sish borligi ko‘zga tashlanmoqda. Deyarli barcha o‘yinlarda biz raqibdan ko‘ra ko‘proq vaziyat yaratyapmiz, to‘pni o‘zimizda ushlab tura olyapmiz, ammo biroz omad kelmayapti.

Garchi safarda o‘ynayotgan bo‘lsak ham, raqibdan ko‘ra ko‘proq vaziyatlarga ega bo‘lyapmiz, to‘p asosan bizning tomonda ushlab turilibdi. Bizga futbolchilarga hos daxshatlilik instinkti yetishmapyati. Ikkinchi bo‘limning boshida Jamshid Iskanderov gol urib, masalani hal qila olishi kerak edi. Ammo unga yuqorida aytgan jihat yetishmadi. Agarda u gol urganida biz biroz yengilroq tin olib, boshqacharoq o‘yin ko‘rsata olardik.

Biroz noqulay bo‘layotgan taqvim jamoaning jismoniy holatini biroz muvozanatdan chiqaradigan holatlardan biri. Bu ham halaqit qiladi. Istalgan jamoani o‘yinlarsiz faqatgina mashg‘ulotlar bilan ushlab turish juda qiyin”, — dedi Babayan.