Kataloniyaning «Barselona» klubi himoyachisi Xerard Pike yozda Neymarning transferi amalga oshishi uchun o‘z shartnomasidagi ayrimgi bandlarni o‘zgartirishga rozi bo‘lganliklari haqida gapirib berdi.
— Moliyaviy feyr-pley muammolari borligi sababli, klub prezidentiga shartnomamiz bandlarini o‘zgartirishga rozi ekanligimiz haqida gapirgandik. Biz birinchi yili ishlab topadigan pulimizni ikki, uch, hatto to‘rtinchi yilda ham ishlab topaverishimizga roziligimizni aytdik.Moliyviya feyr-pley muammosiga duch kelmasligi uchun klubga yordam bermoqchi bo‘lgandik. Biz bizning maoshimizni qisqartirish maqsadida emas, balki klubga Neymarni olib kelish uchun yordam edi. Bu taklifga klub rahbariyati rozilik berdi, ammo, boshqa muammolar sababli Neymarning o‘tishi baribir amalga oshmaydi qoldi.
Neymar «Barsa»ga qaytishi mumkinmi? Futbolda hamma narsa ro‘y berishi mumkin. Biz Neymarga “Oltin qamoqqa” ketayotganligi haqida gapirgandik, — Pikening so‘zlaridan iqtibos keltirmoqda Cadena Ser.
