Londonning "Chelsi" klubi yarim himoyachisi Kristian Pulishich "Uotford" (2:1) klubiga qarshi bo‘lib o‘tgan uchrashuvdan keyingi fikrlari bilan o‘rtoqlashdi.
"So‘nggi 5-10 daqiqa men uchun juda uzoq tuyuldi. Ikkinchi bo‘limda biz ustunlik qilayotganimizni his qildik. Agar uchinchi golni kiritganimizda uchrashuvdagi intrigani yo‘q qilgan bo‘lar edik. Ammo, biz aksincha raqibga gol urish uchun imkon yaratdik. “Chelsi” klubining o‘yin natijasiga ta’sir ko‘rsatmoqchiman, jamoaning asosiy tarkibida o‘ynashim kerak ekanligini isbotlamoqchiman", - dedi Pulishich Sky Sportsga bergan intervyusida.













