UFC 244 turniirining markaziy jangida eng yaramas ablax jangchilar uchun ta’sis etilgan BMF kamari uchun Xorxe Masvidal hamda Neyt Diaslar o‘zaro to‘qnash kelishdi. Birinchi raundning boshlanishida Masvidalda yaxshi imkoniyat bo‘lgandi. U tirsagi bilan bergan zarbasidan so‘ng, Dias muvozanatini yo‘qotib, yiqildi. Lekin Xorxe bu muvaffaqiyatni davom ettira olmadi.
Raund oxirida Neyt ham qo‘lida yaxshi zarba bergandi. Xullas birinchi raundning esda qolarli jihati shu bo‘ldi. Ikkinchi raund ham huddi shunday ssenariy ostida boshlandi. Yana Xorxe yiqitdi. Bir qator zarbalar berdi. Muvozanatdan chiqardi. Bir so‘z bilan aytganda ushbu raund to‘la Masvidal hisobiga yozildi.
Uchinchi raundning dastlabki soniyalarida esa Neyt faollashdi. Ushbu raundda ham Masvidal bir qator zarbalar berdi. ayniqsa, parterda ham yaxshi harakat qildi. Raund yana Xorxe ustunligida yakunlandi. Afsuski, tibbiyot xodimlari Diasning olgan jarohatlari jiddiy ekanligini bildirib, jangga ruxsat berishmadi. Shunday qilib, Masvidal texnik nokaut evaziga g‘alaba qozonib, BMF kamarini qo‘lga kiritdi.
