Angliyaning «Manchester Yunayted» klubi «RB Leypsig» klubi hujumchisi Timo Vernerni sotib olmoqchi. 23 yoshli germaniyalik futbolchiga «Liverpul» klubi ham qiziqish bildirmoqda deya xabar bermoqda Mirror.
Joriy yilning yozida Vernerni «Bavariya» klubi sotib olishga urinib ko‘rgandi, biroq, ushbu transfer ba’zi sabablarga ko‘ra amalga oshmay qolgandi. Yakunda hujumchi «RB Leypsig» klubi bilan 2023 yilning 30 iyuniga qadar shartnomasini uzaytirgandi. Yangi shartnoma shartlariga ko‘ra, futbolchining tovon puli 30 million qilib belgilangan.
«Liverpul» va «Manchester Yunayted» klublari Timoni qishki transfer bozorida xarid qilmoqchi, biroq, ushbu transfer mavsum yakunigacha amalga oshmasligi mumkin deya taxmin qilinmoqda.
Verner «RB Leypsig» tarkibida 2016 yildan beri o‘ynab kelmoqda. U avval «Shtutgart» tarkibida faoliyat olib borgandi.
