Англиянинг «Манчестер Юнайтед» клуби «РБ Лейпциг» клуби ҳужумчиси Тимо Вернерни сотиб олмоқчи. 23 ёшли германиялик футболчига «Ливерпуль» клуби ҳам қизиқиш билдирмоқда дея хабар бермоқда Mirror.
Жорий йилнинг ёзида Вернерни «Бавария» клуби сотиб олишга уриниб кўрганди, бироқ, ушбу трансфер баъзи сабабларга кўра амалга ошмай қолганди. Якунда ҳужумчи «РБ Лейпциг» клуби билан 2023 йилнинг 30 июнига қадар шартномасини узайтирганди. Янги шартнома шартларига кўра, футболчининг товон пули 30 миллион қилиб белгиланган.
«Ливерпуль» ва «Манчестер Юнайтед» клублари Тимони қишки трансфер бозорида харид қилмоқчи, бироқ, ушбу трансфер мавсум якунигача амалга ошмаслиги мумкин дея тахмин қилинмоқда.
Вернер «РБ Лейпциг» таркибида 2016 йилдан бери ўйнаб келмоқда. У аввал «Штутгарт» таркибида фаолият олиб борганди.
