Joriy yilning 28 oktyabr va 6 noyabr kunlari, Turkiyaning Chorum shahrida 16 yoshgacha bo‘lganlar orasida Butunjahon Shaxmat olimpiadasi bo‘lib o‘tdi.
O‘zbekiston Shaxmat federasiyasi matbuoti xizmati ma’lumotiga ko‘ra, sportchilarning musobaqada qatnashish harajatlarini Raqamli iqtisodiyot qo‘llab quvvatlash “Raqamli ishonch” fondi tomonidan moliyalashtirilgan.
Yurtimiz sharafini Xalqaro toifadagi grossmeysterlar Abdusattorov Nodirbek, Sindarov Javohir, FIDE sport ustasi Kasimov Ali, Madaminov Muhiddin, Xalqaro toifadagi sport ustasi Omonova Umida himoya qilishdi hamda turnirda qatnashgan 250 ortiq ishtirokchi orasida jamoaviy hisobda faxrli 2 - o‘rinni egallashdi.
16 yoshgacha bo‘lganlar orasida Butunjahon Shaxmat olimpiadasi 9 turdan iborat bo‘lib, shveysarcha tizimda bo‘lib o‘tadi. 9 tur natijasiga ko‘ra, hamyurtlarimiz 15 ochko jamg‘arishdi. Birinchi o‘rinni Ozarbayjon terma jamoasi 16 ochko bilan, 14 ochko bilan Belarus termasi uchinchi o‘rinni egallashdi.
Shaxmatchilarimizga g‘alabalar davomiyligini tilab qolamiz.
