Turinning «Yuventus» klubi himoyachisi va sardori Leonardo Bonuchchi Moskvaning “Lokomotiv” jamoasiga qarshi YECHL doirasida bo‘lib o‘tgan uchrashuvdan so‘ng, jamoadoshi Duglas Kostadan intervyu oldi.

Ushbu video «keksa sinyorilar»ning “Twitter”dagi rasmiy sahifasiga joylandi.

— Xayrli kech. Uchrashuvning eng yaxshi futbolchisi bilan suhbatlashish uchun shu yerdamiz. Duglas, o‘zingni goling haqida gapirib ber.

— Ha, muhim golni urish va jamoamga g‘alaba olib kelish uchun uzoq vaqt mobaynida o‘z imkoniyatimni izladim. Bu ishni amalga oshira oldim va bundan xursandman.

— Biz ham xursandmiz. Bonuchchini darvozasi chizig‘idan to‘pni qaytarib yuborishi o‘yinni muhim pallasi bo‘ldi deb hisoblaysanmi?

— Albatta! U sardor bo‘lganidan beri o‘yini yaxshi shakllangan.

— Ko‘rishguncha, do‘stlar! Biz keyingi bosqichga yo‘l oldik va “Milan” bilan bo‘ladigan o‘yinga tayyorgarlik ko‘ramiz. 

https://twitter.com/juventusfc/status/1192194519380443138