Hujumchi Paulo Dibala mavsum yakunlanganidan keyin «Roma»ni tark etadi. ESPN nashrining o‘z manbalariga tayanib xabar berishicha, Dibala vataniga qaytadi — u «Boka Xuniors» klubi bilan dastlabki kelishuvga erishib bo‘lgan.
32 yoshli Dibala «Boka Xuniors» safiga erkin agent maqomida bepul o‘tadi. 2025/2026 yilgi mavsumda Paulo Dibala «Roma» libosida 23 ta rasmiy o‘yinda maydonga tushib, o‘z hisobiga 3 ta gol va 4 ta golli uzatmani yozdirib qo‘ydi.
Ta’kidlash joizki, argentinalik futbolchi ancha vaqtdan beri — 2012 yilning yozidan buyon Italiyada to‘p surib kelmoqda. Italiya futbolidagi faoliyati davomida u «Palermo», «Yuventus» va «Roma» klublari sharafini himoya qilgan.
