Germaniyaning "Bavariya" klubi hujumchisi Tomas Myuller "Olimpiakos" (2:0) ustidan qozonilgan g‘alaba haqidagi fikrlari bilan o‘rtoqlashdi.

"O‘zimizga bo‘lgan ishonch yuqoriligi uchun qo‘lga kiritgan g‘alabamizdan xursandman. Mashg‘ulotlarda o‘tkazgan barcha mashqlarimizni maydonda amalga oshirdik. Raqibga o‘ynashga imkon bermadik. Ehtimol, katta hajmdagi ishni amalga oshirganimiz uchun hujumda ko‘rinish bermagandirmiz. Biz asosan to‘pga egalik qilishga urg‘u berdik va ko‘p to‘p bilan muomala qildik. Lekin, o‘z darvozamiz oldida raqibga hujum uyushtirishga imkon qoldirmadik va haqli g‘alabaga erishdik. Hozirgi vaziyatimizda g‘alaba qozonishimiz shartn edi. Endi shanba kuni bo‘ladigan o‘yinimizga tayyorgarlik ko‘rishimiz kerak", - dedi futbolchi "Bavariya" rasmiy saytiga.